Studio ligjore "FBPA" ka një staf të kualifikuar avokatësh, zotërues të disa gjuhëve të huaja, të përgatitur profesionalisht dhe të aftë të përballojnë punën në rritje të studios dhe zgjidhjen e problemeve të ndryshme që paraqiten; me përvojë praktike në zgjidhjen e problemeve të klientëve, të gatshëm për tu përballur me kërkesat e tregut ligjor.

Stafi i avokatëve të studios ka një përvojë të gjatë në fushën e zbatimit të se drejtës dhe për më tepër është i suksesshëm në zgjidhjen në praktikë të problemeve.

Themeluesi, Avokat Fatmir Braka, ushtron profesionin e juristit nga viti 1976 dhe atë të avokatit prej vitit 1992. është diplomuar jurist në Fakultetin e Shkencave Juridike në Universitetin e Tiranës në vitin 1976. Eshtë specializuar në Universitetin e Brukselit, duke kryer dhe disa kurse specializimi për avokat pranë Këshillit të Evropës dhe nga viti 1999 është anëtar përfaqsues i Shqipërisë ne Komitetin e Luftës kundër Torturës e Trajtimit çnjerzor (CPT) pranë Këshillit të Evropës.

Aktualisht është rizgjedhur Kryetar i Dhomës së Avokatëve të Tiranës dhe anëtar i Kryesisë së Dhomës Kombtare të Avokatëve; është Pedagog i jashtëm në Fakultetin e Drejtësisë dhe në Shkollën e Magjistraturës; autor i Kodit Etik të Avokatit Shqiptar; anëtar i Komisionit të Reforëms Ligjore, anëtar i Këshillit Drejtues të Radio Televizionit Shqiptar, anëtar i Këshillit Mbikqyrës të "INSIG" sh.a.

Studio krijon të gjitha kushtet e nevojshme për dhënien e një konsulence ligjore në vazhdimësi, me cilësi e profesionalizëm. Ajo është e pajisur me të gjitha ambientet e komoditetet e nevojshme. Ndodhet në zonën me të preferuar të kryeqytetit të Shqipërisë.